Эдийн засаг, бизнесийн сургуулийн сургалтын чанарыг дотоодод төдийгүй гадаадад илтгэн  харуулах үзүүлэлт бол сургалтын хөтөлбөрүүдээ  магадлан итгэмжлүүлэх явдал. Монгол улсын Боловсролын магадлан итгэмжлэх үндэсний зөвлөлөөр дараах хөтөлбөрүүдийг магадлан итгэмжлүүлэв. Үүнд: Менежмент, маркетинг мэргэжил, Нягтлан бодох бүртгэл мэргэжил, Эдийн засаг, математик загварчлал мэргэжил.

ХААИС-ийн Эдийн засаг, Бизнесийн сургууль нь АНУ-д төвтэй Олон улсын Бизнесийн сургууль, хөтөлбөрүүдийн магадлан итгэмжлэх зөвлөлийн гишүүнээр 2008 онд элсч, улмаар  ACBSP-ийн 2015 оны 11 дүгээр сарын 17-ны өдрийн хурлын шийдвэрээр Эдийн засаг, бизнесийн сургуулийн мэргэжлийн бакалаврын хөтөлбөрүүд олон улсад албан ёсоор магадлан итгэмжлэгдэв.

ХААИС-ийн Эдийн засаг, Бизнесийн сургууль нь 2012 онд Ази тивээс анх удаа АГРИМБА хөтөлбөрийн гишүүн болж 2016 онд албан ёсоор Олон улсын агро бизнесийн удирдлагын магистрын АГРИМБА хөтөлбөрийн хүрээнд магадлан итгэмжлэгдэв.