Mонголын Урлагийн Зөвлөл (МУЗ) нь Номадик Экспедишн ХХК-тай хамтран “АВДАР” нүүдлийн урлан хөтөлбөрийг зарлаж байна.
Хөтөлбөр хэрэгжих газар, хугацаа: 2026 оны 6,7,8,9, 10-р сар
- Өмнөговь аймгийн Гурван тэмээ жуулчны бааз 6,7,8,9-р сар
- МУЗ-ийн “Улаан гэр” галерей -төслийн тайлан үзэсгэлэн 10-р сар
Хөтөлбөрийн зорилго:
“АВДАР” нүүдлийн урлан хөтөлбөр нь уран бүтээлчдийн бүтээн туурвих үйл явцыг дэмжих, олон улсын жуулчдад Монголын соёл урлагийг таниулан сурталчлах, бүтээлч хамтын ажиллагааг өрнүүлэх
Урлагийн төрөл:
- Ардын язгуур урлаг
- Дүрслэх урлаг
- Гар урлал
- Хөгжим
Сонгон шалгаруулах шалгуур:
- Уран бүтээлч нь Өмнөговь аймагт 21-30 хоног суурьшин, уран бүтээлээ туурвих боломжтой байх
- Жуулчдад бүтээлийн танилцуулга, сургалт зохион байгуулах, багаар ажиллах чадвартай байх
- Хөтөлбөрийн төгсгөлд хамтарсан тайлан үзэсгэлэнд оролцох боломжтой байх
Сонгон шалгаруулалт:
- Уран бүтээлчдийн сонгон шалгаруулалтыг Сонгон шалгаруулах хороо гүйцэтгэнэ. Эцсийн дүнг 2026 оны 5-р сарын 25-нд зарлана.
- Уран бүтээлчдийн энэхүү хөтөлбөрт оролцох байр, хоол, уран бүтээлчийн төлбөр, сургалтын зардал, түүнтэй холбогдох материалын зардлыг МУЗ хариуцна.
Бүрдүүлэх материал:
- Уран бүтээлчийн танилцуулга, ажлын туршлага
- Урлангийн хугацаанд туурвих бүтээлийн санаа, сургалт явуулах хөтөлбөрийн санал, төсөв
Холбогдох материалыг 2026 оны 5 сарын 18-ний дотор Монголын Урлагийн Зөвлөлийн development@artscouncil.mn и-мэйл хаягт ирүүлнэ үү.
Дэлгэрэнгүй мэдээллийг 976-11-319015, 319017 утсаар холбогдон авна уу.
