Стратегийн ач холбогдол бүхий ашигт малтмалын Оюу толгой ордод үйл ажиллагаа явуулж буй “Оюу Толгой” ХХК-ын төрийн эзэмшлийн хувьцааг эзэмшиж, хувьцаа эзэмшигчийн эрх, үүргийг хэрэгжүүлэгч
Оюу Толгойн Гүний уурхайн бүтээн байгуулалт 95 хувийн гүйцэтгэлтэй үргэлжилж байна.
Аж үйлдвэр, Эрдэс баялгийн сайд Ц.Туваан болон УИХ-ын зарим гишүүд, Эрдэнэс Оюу Толгой ХХК-ийн Гүйцэтгэх захирал Э.Ганхүү, болон бусад албаны төлөөлөгчид “Оюу Толгой” ХХК-ийн гүний уурхайн бүтээн байгуулалтын гүйцэтгэл, явцтай танилцлаа.
Аж үйлдвэр, Эрдэс баялгийн сайд Ц.Туваан:
“Оюу Толгой” төсөл, уурхайн бүтээн байгуулалтад гар биеэр оролцож буй ажиллагсдын ажиллах орчин, цалингийн нөхцөлд анхаарлаа хандуулж, бодлогын түвшинд дэмжихээ тэмдэглэв. Мөн энд ажиллаж буй бүх ажилчид Монголын хамгийн үнэтэй баялаг. Дараа, дараагийн олон улсын түвшний төслүүдэд ажиллах, маш өндөр түвшинд мэргэшсэн, орчин үеийн техник, технологиудыг эзэмшсэн боловсон хүчин бэлтгэгдэж байгаад талархалтай байгаагаа илэрхийлэв.
"Оюу толгой" компанийн Гүйцэтгэх захирал Дэйрдрэ Лингенфэлдер: Гүний уурхайн үйл ажиллагаа эхэлсэнээр бид жилдээ 230 мянган тонн зэс үйлдвэрлэх боломжтой болж байна. Энэ нь гүний уурхайн бүрэн хүчин чадалд хүрэх зорилтын тал хувь нь биелэгдэж байна гэсэн үг. Одоогоор гүний уурхайн бүтээн байгуулалт 95 хувийн гүйцэтгэлтэй үргэлжилж байна хэмээн уулзалтын үеэр онцлов.
